Bible: Bible cu Pathian ih “ṭongkam” (minung thawn biakawknak) minung hmang in nganmi, Thlarau Thianghlim ih khihhmuhnak le huham pek nak in nganmi a si tiah kan zum. Bible ah a kalhawkmi a um lo tiah kan zum.

(2 Timothy 3 :16,17, 1 Thessalonians 2 :13, le 2 Peter 1 :20,21)

 

Pa Pathian: Pa Pathian cu kumkhua a ummi, a thianghlimmi, huham thawn a khat mi a si tiah kan zum. Pa Pathian ih minung a duhdawtnak cu a Fapa neihsun rori leitlunmi pawl kumkhua Amah thawn van ih um nak ding hrang ah in pek a si tiah kan zum. (Luke 18:27; John 3:16,17; Romans 11:33; 1 Peter 1:16; 1 John 4:7-10; Revelation 4:8)

 

Jesuh: Jesuh Khrih cu Fapa Pathian ah kan zum. Fapa Pathian cu a Pathian sinak taanta in minung sinak in a suak tin kan zum. Thlarau Thianghlim ih huham in virgin Mary sung in a suakih a nun sung ziang sualnak hman a tuah lo ih, misual pawl hrang ih thihding sawn a hril. Thihnak ihsin a ruangpumpi rori thawn a tho sal ih mipi tampi hnen ah a lang sal. A tu ah Pa Pathian ih vorhlam kap ah a to. Thuṭhen ding ah a ropinak le sunparnak thawn a voihnih nak a ra sal ding. Jesuh Khrih amah lawng lawng hi Pa Pathian hnen ih fehnak lamzin a si ti kan zum. (Matthew 16:16,17,25:31-46; Mark 14:61,62; Luke 1:34,35 le 2:7; John 1:1 le 1:14, 5:22-30,10:30 le 14:6; Acts 4:12; 1 Corinthians 15:3-8; Hebrews 4:15; 1 Peter 2:22-24.)

 

Thlarau Thianghlim: Thlarau Thianghlim cu Pathian a si tin kan zum. Jesuh Khrih cu rundamtu ih a zummi mi piangthar sung ah (John 16:8-11; Acts 2:38; Romans 8:9; Galatians 5:16-26; 1 John 3:24.)Thlarau Thianghlim a um ih sualnak theih ter tu a si tiah kan zum.

 

Minung: Minung cu Pathian hmuihmel keng ih tuahmi kan si ih Amah Pathian biak ding le thangṭhat dingah tuahmi kan si. Adam ih Pathian dodalnak ruangah minung cu Pathian thawn pehtlaihnak nei nawnlo kumkhua Hell ih feh ding (Genesis 1:26,27; Matthew 25:31-46; Romans 3:23, 6:23; 2 Thessalonians 1:5-10; Revelation 20:11-15, 22:3-5.) kan si. Sualnak ruangah riahsiatnak, natnak le thihnak a thleng.

 

Rundamnak: Rundamnak cu minung kan mah lam ih tuahnak, zuamnak zianghman tel lo, Pathian ih zangfahnak liolio in ngah mi a si tiah kan zum. (John 1:12; Acts 2:38,39 le 8:26-40 le 16:25-34; 1 Peter 3:21,22.)