Founder: Charles Taze Russel (1852-1916)

Official Name: Watchtower Bible and Tract Society of New York

 

1. Ziang ruangah Jehovah's Witnesses tin an ko?

         - Jehovah's Witness cu Pa Pathian lawng Pathian ah zum in fehpi tu an si. A cumi Pa Pathian hmin cu Jehovah a siih Jehovah timi hmin hi hmin dangin kawh ding a si lo. Cumi Jehovah thu phuangtu an si ruangah Jehovah's Witness tiah an ko.

 

2. Trinity (Thum-kom-Pathain) an pom lo.

 

3. Pa Pathian an pom dan

        - Jehovah's Witness cun Pa Pathian lawng Pathian ah an pom. Pa Pathian cu Jehovah a siih kumkhua in a nungmi thlarau Pathian a si. Amah pakhat lawng hi Pathian a siih cah nak le huham thawn a khat mi a si.

 

4. Jesuh Khrih an pom dan

        - Jehovah's Witness cun Jesuh Khrih cu Pathian ah an pom lo. Jehovah Pathian in hmaisabik ih a sersiam mi a si ih Pathian ih fapa ( son of God) a si. Jehovah Pathian ih sersiam cawp a si ruangah a level a niam sawn. Jehovah Pathian thawn kum reipi an rak um tlang. Jehovah cun thil ziangkim sersiam tu ding ah Jesuh cu a sersiam nak a si. Curuangah lei le van le thil ziangkim cu Jehovah thu pek nak in Jesuh ih tuah mi a si.

 

      - Jesuh cu vanram a um laiah cun archangel Michael (vancungmi hotu Michael) a rak si.

      - Jesuh Khrih cu hi leilung ah ah mi famkim pakhat in a rak suak tiah an zum. A Pathian sinak 100, a minung sinak 100 timi an zum lo.

      - Jehovah's Witness cun Jesuh Khrih thawhsalnak thu cu hivek in an pom.

         Jehovah Pathian in Jesuh ih thlarau cu a tho ter sal. Cule Pathian ih vorhlam kap ah a to.

 

5. Thiang Thlarau an pom dan

        - Jehovah's Witness cu Thiang Thlarau cu Pathian ah an pom lo. Thiang Thlarau hnatuan cu an zum nan Jehovah Pathian ih a power force a rak lang ttheu mi a si tiah an zum.

 

6. Jehovah's Witness Biakinn

       - Jehovah's Witness cu an khawmnak hmun cu 'Church' tiah ko lo in 'Kingdom Hall' tiah an ko.

 

7. Satan an zum dan

       - Jehovah's Witness cun Satan cu Pathian dodal tu ah an pom ve. Satan le a dungthlun demon pawl cu 1914 kum ah van ihsin thlak an siih leilungpar ah nasa zet in hna an tuan. Curuang ah san a cem zik te zo tiah an zum.

 

8. Sancemnak thu an pom dan

       - Jehovah's Witness cun Daniel bung li ih kum 2,520 a simmi cu BC 607 in a thok ih AD 1914 ah a cem. Curuangah Jesuh in hi leilungpi hi 1914 kum October thla ihsin van ihsin a uk thok zo tiah an zum.

 

9. Pathian hrilmi 144,000 an pom dan

       - Jehovah's Witness cun mithianghlim 144,000 lawng hi an thih hnu ah Jesuh uknak ah an feh ding tiah an zum.

 

10. Minung ih thlarau an pom dan

      - Jehovah's Witness cun minung kan thi le kan thlarau khal a thi cih tiah an zum. Greek ttong in Sheol, Hades tiih kawhmi Hell fate cu mithi thlaan a si an ti.

 

11. Hell Ram an pom dan

      - Jehovah's Witness cun Hell Ram cu kumkhua ih hremnak hmun ah an pom lo.

Satan le Jehovah zumlotu pawl cu Hell ah thlak an si ding nan an thi cih ding ih Hell Ram cu a cem sal ding tiah an zum.

 

12. Thlarau sia an pom dan

       - Jehovah's Witness cun demons, khuasia ttha lo pawl cu a caan le mithi thlarau vek in an um tiah an zum. Himi an zirhnak ruangah mi tampi in mithi thlarau a um tiah an zum.

 

13. Kum 1000 Uknak an pom dan

       - Jehovah's Witness cun minung 144,000 lawng an thih hnu van ah an feh ding tiah an zum .

        - Cu lo mithi dang pawl cu Armaggedon raal cem le kum 1000 uknak lut ding ah thawhtersal an si ding.

        - Archangel Michael (Jesuh) le mi 144,000 nih kum 1000 uknak an uk ding ih minung pawl ziangsi an ttuan ding, an tuah ding timi thu an tthen sak ding.

        - Kum 1000 uknak a cem le Jesuh nih Jehovah Pathian hnen ah uknak a pek sal ding ih Jehovah Pathian nih kumkhua in a uk ding.

 

14. Hi leiram ih Paradise

        - Armegaddon raal ttheh le hi leiram cu Paradise ah tuah a si ding ih kum 1000 uknak a um ding. Kum 1000 uk nak cem in cumi Paradise ah Jehovah Pathian nih kumkhua in a uk cih ding tiah an zum.

 

15. Rundamnak thu an pom dan

       - Jehovah's Witness cun rundamnak cu Jesuh Khrih zumnak, tuannak, ti pil nak (baptisim) in co theih tiah an zum.

 

16. Bible an pom dan

      - Jehovah's Witness cun Bible cu Pathian ih thawthawtkhum mi, a thleng aw thei lo mi tiah an pom. A sinan an mah duhzawngih ngan mi New World Version Bible an hmang.

      - Worldtower Magezine cu an guide book ah an hmang. Worldtower ih ngan mi zirhdan vek in an zirh awk.

 

17. Jehovah's Witness hi Khristian a si maw?

        - Jehovah's Witness cun an mah le an mah cu a nung Jehovah Pathian an biak ruangah Khristian an ti awk.

Asinan Trinity (Thumkom Pathian) an pom lo, Jesuh Khrih cu Pathian ah an pom lo, Thlarau Thianghlim Pathian ah an pom lo, Jesuh ih a ruangpum thawhsalnak an pom lo, Rundamnak cu zangfahnak le zumnak thawng lawng in a si ti pawl an pom lo ruangah Khristian an si lo.