Tuni, 21st century ah leilung par ih a cang rero mi pawl kan zoh tikah Jesuh Khrih ratsal nak ding lamzin a sial sak rero a si bik ko. Bible ih a simciami famkim nak ding pawl tla cu a tlangpi in hi pawl an si.

 

1. Ralthuam (weapon)

           Leilungpar ah thihtheihnak ralthuam a karh sinsin. Nuclear ralthuam cu leilungpar ih ram 20 lai nih an tuah ih cumi lak ih a tuah tambik pawl tla cu US, Russia, UK, France, China, India, Pakistan, North Korea etc...tla an si. US le Russia lawng ih an neihmi nuclear ralthuam in leilungpi hi voi 40 lai a siat ter thei ding ti a si. An nih cu a hmanzia an thiam nan dictator ram a simi Iran, Pakistan, North Korea tivek pawl hi tih an nung zet.  

            Tihnung zet hrih mi pakhat cu Biological Chemical Weapon a si. Cucu ziang a si tile natnak hrik a phunphun kha missile sungah thun in kap le minung tampi nih cumi natnak hrik cu an ngah thei. Tulaifang ah nuclear weapon hnak in bio-weapon hi tih a nung sawn.

 

2. Islam Sakhua a karhzai

            Tuni leilungpar mipum (population) hi 6.7 billions a si. Cumi lakah Islam mipum hi 2 billions hrawng a si. Saudi Arabia nih Africa ram ah missionary tampi a thlah ih Africa ram cu Muslim an pung sinsin. Europe ramah khal Islam mipum cu a karhzai sinsin. 2009 data vekin si le France ah 5,000,000, Germany ah 2,000,000, UK ah 1,500,000, Netherlands ah 500,000, Bergium ah 300,000, Austria ah 200,000 etc...tla a si.

UK ah Mosques 400 lai a um ih Germany ah Mosques 200 lai a um zo ti a si.

 

3. EU (European Union) tthangso sinsin

            A. World War II ttheh 1950 hrawngah France, West Germany, Belgium, the Netherlands, Luxembourg, le Italy mi paruk ih idea an rak suahnak thawn 1993 kum ah Netherlands ah European Union cu din a rak si. 1995 kum ah member 11 hrawng an rak um ih member thar ram thum an lut bet. 2014 ah EU ram cu 28 a si thlang. Norway le Switzerland cu EU member ah an tel lo.

 EU member link: http://europa.eu/about-eu/countries/index_en.htm

            B. 1999 kum ih sin EU currency cu Euro tiin an tuah thok. EU member 28 sung in ram 24 cun Euro an hmang zo. Denmark le Sweden cu Euro a hmang lo mi ah an tel.

           C. 1995 kum ah Luxembourg ram ih Schengen khua ah Schengen Agreement an din thok. Schengen area ram pawl cu passport-free in an tlawng awk thei. United Kingdom leh Ireland cu Shengen area ah an tel lo.

Schengen Area link: http://www.mediavisa.net/schengen-area.php

4. Nisuahnak Ram a si mi Northern China, South Korea le Japan tthangso

          Asia ram a cemnak ih um mi Northen China, South Korea le Japan ram cu a tu 21s century ah technology lam ah an thangso zet. Ahleice in South Korea cu technology thar tampi an suah bet rero ih leilungpi in a thlir rero a si.

5. Magog (Russia)

            Russia cun Middle East ram pawl a tlawm rero. Ralthuawm lam leh ralkap lam thawn Iran khal tu ah a bawm rero.

6. United State

            US cu a power a tumsuk vivo.

7. Jerusalem

 Palestine leh Arab ram pawl in Israel cu lak an tum rero. Ahleice in Jerusalem ih Temple Mount cu an cuh awk rero. Ni khatkhat ah cun Israel leh Arab ram cu peace agreement an tuah leh ding.

8. Natnaksia a karh

             Tuniah leilung pumpuluk huap in Sii ih damter thei lo mi HIV vek le a dangdang  natnaksia a karh sinsin. 

 

9. Global Government

              Tuni ah power nei dingin ram khat le ram khat an kom awk vivo. A hlan ah G8 ihsin tuah G20 (the Group of Twenty) tiin power nei mi rampawl an kawm awk.

              Europe ram cu power nei sinsin ding in European Union (EU) tin ramkhat ah ding an tum.

            Cuvek in North America ram pawl tla power nei sinsin ding in North American monetary Union (NAU) tin America, Canada, Mexico cu ramkhat ah an kom awk ve.        Cuvek thotho in South East Asian ram pawl khal power nei ding in ASEAN (Association of Southeast Asian Nations) tin an kom awk ve.

            A dang NATO (North Atlantic Treaty Organization) , African Union, Caribbean Community (CARICOM), Shanghai Cooperation Organisation (SCO), Arab League, Union of South American Nations etc... ramdang pawl tla an kom awk vivo.

 

10. Global Religion

               Biaknak sakhua dangdang cu hmun khat ah hna an tuan tlang vivo ding. Jesuh in Matthai 24 ih a sim cia mi religious pluralism cu tuhlan kum 200 in a suak thok. Religious Pluralism timicu Biaknak cu a bangawk theh, Jesuh cu khawitawk biaknak ah tla a um theh tiih pom tu pawl an si. WCC (World Church Council) tla religious pluralism tangih um mi a si.

 

  Bible thawn zohthimnak        

  

              Tuni kan leilungpar ih a cang reromi kan zoh tik ah kan Bawipa Jesuh ih Second Coming a nainak a lang ter.

Bible sungah Second Coming ih sign pawl fiangten kan hmu ih hipawl tla hi sign pakhat a si ve (Matthai 24, Rev. 5,6).

             Global Government nih Antichrist hrang zin a sial sak. Antichrist nih Israel thawn peace a tuah thok in kum 7 harsatnak ah lut a si cih ding. Antichrist cun leilungpumpi a uk ding. Leilungpi uk thei tu a si ding ruangah economic, politic lam khal thiam zetmi a si ding. Satan ih a influence nak thawn leilungpi cu a uk ding a si.

             Antichrist hminsinnak nambat cu 666 a si dingih cumi nambat nei lo cun thil zuar le thil lei a ngah lo ding (Thuphuan 13:18). Tu kan san ih technology a tthangso tuk mi hi 666 numbat zin sial sak tu pakhat a si.

Tuni ah visa card vek le chip dangdang hman a si thlang tik ah cahnah tangka cu hman a mal vivo thlang. Cutikah 666 nambat a suak tik le zumlotu pawl cu an mang a bang lem lo ding.

               Tuniah Sakhua dangdang cu an rawi awk rero thlang. Roman Catholic pawl in Buddhist monk Dalai Lama tla an sawm. Satan cun Khristian lakah tla hna a tuan nasa ih zumnak peng ih feh an tam sinsin. Profet deu khal an suak sinsin. Hipawlhi Satan in Antichrist a suak tikih mi an mangbang lo dingin zin a sial sak cia mi a si.

               Jesuh Khrih a rat sal hlan ah World War III a um sal ding (Daniel 9:24-27). Bible cun Armageddon War tiah a ko (Thuphuan 16:16). Theologian tampi cu Armageddon War cu Nuclear War a si leh ding tiah an zum.

 

Jesuh in

 "Lei le van cu an hloral ding, asinan, ka thupawl cu an hloral hrimhrim lo ding." tiah a ti.